|
||||||||||||||||||||||||
|
||||||||||||||||||||||||
|
DIGWYDDIADAU 2006
Ar 3 Medi, 2006, 'roeddem yn falch iawn o dderbyn Gwobr Cymru Wledig gan YDCW, sef Ymgyrch Diogelu Cymru Wledig, am ein gwaith yn rheoli'r coetiroedd hyn. Ar y diwrnod hwnnw, cerddodd nifer o aelodau YDCW drwy'r coetiroedd gan ymuno â ni wedyn am de yn Y Neuadd Goffa, Mynydd Llandygái. Ceir mwy o fanylion ynghyd â lluniau ar y dudalen Newyddion ac yn Adroddiad Blynyddol 2006, y gellir cysylltu iddynt o'r dudalen Dogfennau. Mae Mike Bithell wedi cwblhau'r fainc ym mhen uchaf Parc yr Ynys - gweler uchod. Mae mân waith arall, ond pwysig serch hynny, sydd wedi gwella'r teithiau cerdded drwy'r coetiroedd yn cynnwys stepiau Mike ar y llwybr, y gwaith ffensio ger y bont o'r Ocar, y giât uchaf a'r Hysbysfyrddau pren coeth, a grëwyd gan Peter Boyd ar gyfer y tair prif fynedfa i'r coetir. Mae'r ddau Hysbysfwrdd uchaf wedi bod yn eu lle ers peth amser a bwriedir gosod yr Hysbysfwrdd isaf unwaith y bydd y gwaith o adeiladu'r waliau cerrig wedi'i gwblhau. Eto, am ragor o wybodaeth, ewch i'r Adroddiadau Blynyddol, y gellir cysylltu iddynt o'r dudalen Dogfennau. DIGWYDDIADAU 2005
Yn 2005 'roedd yna gryn siomedigaeth ar y cyfan pan fu'n rhaid rhoi'r gorau i'r bwriad i brynu'r llain gysgodi a adwaenir fel Parc Tan y Bwlch oherwydd bod Ystâd y Penrhyn wedi ei gosod ar rent yn hytrach na chytuno i ni ei phrynu - 'roeddem wedi llwyddo i gael cyllid i wneud hynny gan CydCoed. Fodd bynnag, aeth gwaith arall yn ei flaen, gan gynnwys y giat ar ben uchaf Parc yr Ynys a chychwynnwyd hefyd ar y prosiect sylweddol o ail-adeiladu'r waliau cerrig. Noddwyd Coed Call gan Coetir Mynydd er mwyn darparu gweithgareddau seiliedig ar goetiroedd ar gyfer plant yng Ngwyl Haf Antur Mynydd. Darparwyd cyllid ar gyfer y digwyddiad hwn gan: Academi, Tir Coed a Choetir Mynydd. Cynhaliwyd y digwyddiad ym mhabell groen y Comisiwn Coedwigaeth a fenthycwyd i ni drwy garedigrwydd swyddfa ardal Llanrwst. DIGWYDDIADAU 2004
Cwblhawyd trosglwyddiad perchnogaeth argae Coed y Parc, Parc yr Ocar isaf a Pharc yr Ynys ar Ebrill 28ain, 2004. Mae’r dyddiau cyntaf o’r menter coedwigaeth mewn ysgolion, a gychwynnodd ar Fehefin 29, 2004, wedi bod yn llwyddiant. Cynhaliwyd Noson Wyfynnod wedi’w arwain gan John Harold ym Mharc yr Ynys ar Ddydd Mercher, Gorffennaf 28, 2004. Gorffennaf 31, 2004, oedd y Diwrnod Gwirfoddolwyr cyntaf ar gyfer Cynhaliaeth yr Argae, ac mae ail Ddiwrnod Gwirfoddolwyr i reoli Planhigion Egsotig yn y goedwig wedi ei drefnu ar gyfer DYDD SADWRN AWST 21. Mae ymweliad i weld y cerflunydd pren David Nash, sy’n adnabyddus yn rhyngwladol, wedi ei drefnu ar gyfer DYDD SADWRN, MEDI 25, 2004.
|
||||||||||||||||||||||||
|
